عشقتك يافرح عمرى
وعشقت معاكى درب الريد
هويتك شافعة لسع يافعة
فى عمر الزهور يا ( الصيد)
وبشهد انو حبى انا نبت جواكى
وحبك لى ملك قلبى وكمان عقلى بالتحديد
وعشان ريدك ملكنى بقيت
زى قيس اردد فى الحروف ترديد
لكن0 حال بينا قصر الليد
وقدر ما ادى للدنيا القى الدنيا فينى تبيد
وفى لحظة شوقى ليك يا الحلوة
تجينى رسالة كل الفيها (انس الصيد)
لان الحلوة زفوها وتجينى الدنيا بالمقلوب
واموت فى ظل هواك شهيد
خلاااااااااص ضاعت الامال لا الغربة بقت غربة
ولا الايام اظنها تبقى لى ايام
تنسينى العلى من ريد
شرف الدين على السعودية مايو1997 من ديوانى حصاد الذكرى